من طرف زهرة المدائن الإثنين نوفمبر 28, 2011 12:14 pmالسلام عليكم
كيفكم يا شعب
مرة
بالزمانات ...
هادا موضوعنا
لليوم وارجوا انو يتثبت
انا رح
ارويلكم قصة حصلت معي بالزمانات حكالي ياها
والدي
هلأ معظمكوا
وعي على جد او جدة
او والده او
والدته من الجيل القديم
وسمع منهم
قصص فيها عبرة
ممكن تكون
حقيقية حصلت معه شخصيا او سمعها او خيالية
وهون انا بعد
ما احكيلكوا القصة
اي واحد عنده
قصة متزكرها يجي يشاركنا فيها
وهون بتبلش
قصة والدي ...
مرة
بالزمانات ...
بزكر والدي قللي قصة فترة
الانتفاضة التانية
طبعا والدي لاجئ
كان سكان
مخيم العروب قضاء الخليل
والكل بعرف
كيف كان وضع المخيمات
هادا والدي
كان عمره 13 سنة وكان يروح على المدرسة من العروب لمدينة الخليل مشي وهو حافي ومعلق
كندرته برقبته احسن تخرب
وكان يضل طول
الشهر يحوش بمصروفه عشان اخر الشهر يركب الباص وهو مروح من المدرسة مرة وحدة
بس
والقصة اللي قللي ياها والدي بعد
هالمقدمات
انو كان
يشتغل عامل بناء بقرية بعيدة كتيييييييييييييييييير عن المخيم وكان يبيت هنيك بايام
العطلة طبعا
ومرة من
المرات تعب شوي وقعد على حجر من هالحجار وعينك ما تشوف الا
النور
شافه مين ؟
شافه المدير
تاع الورشة
عقوبته كانت
انه يقعد بغرفة زغيرة وسخة كلها فيران ( شوفو الظلم لوين
)
( طبعا نسيت احكي انو التوصيلة من المخيم وللمخيم كانت
على حساب الورشة طبعا )
ووالدي
استوحش كتير بالغرفة وقام صار يحفر قدام الباب الشبك لحد ما وصل لبرا وسحب حاله
وروح عالعروب مشي
وروح مش شايف
الضو
وقعد يمكن اسبوع
مريض
وكان كتير يزكر
هي القصة لما يشوفنا بنتذمر من شي
لحتى يفرجينا انو احنا عايشين بنعمة بالنسبة
لغيرنا
ودمتم بود
المواضيع الأخيرة
المواضيع الأكثر نشاطاً
المواضيع الأكثر شعبية
أفضل 10 أعضاء في هذا الأسبوع
| لا يوجد مستخدم |
أفضل 10 أعضاء في هذا الشهر
| لا يوجد مستخدم |
أفضل 10 أعضاء في هذا المنتدى
| اسطورة المنتدى - 4926 |
| |||
| هديل الحمام - 3698 |
| |||
| سنابل القدس - 2271 |
| |||
| الشاعرة جزيرة الورد - 1356 |
| |||
| المساعد الفني - 1147 |
| |||
| سمير الاحمد - 1135 |
| |||
| زهرة المدائن - 1048 |
| |||
| الطائر المهاجر - 974 |
| |||
| فلسطيني وافتخر - 853 |
| |||
| فلسطين عمري - 851 |
|
أفضل 10 فاتحي مواضيع
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر
لا أحد
أكبر عدد للأعضاء المتواجدين في هذا المنتدى في نفس الوقت كان 67 بتاريخ الأربعاء يناير 10, 2024 9:38 am
بحـث
احصائيات
أعضاؤنا قدموا 15499 مساهمة في هذا المنتدى في 4685 موضوع
هذا المنتدى يتوفر على 1206 عُضو.
آخر عُضو مُسجل هو driss78 فمرحباً به.
Like/Tweet/+1
4 مشترك
حكاية من حكايات زمان
زهرة المدائن- عضو متقدم للقدس
- عدد المساهمات : 1048
نقاط : 2113
السٌّمعَة : 9
تاريخ التسجيل : 26/12/2010
اسطورة المنتدى- العضو المنتدب للأدارة
- عدد المساهمات : 4926
نقاط : 9892
السٌّمعَة : 66
تاريخ التسجيل : 20/06/2010
أعشق في نفسي العناد...
فكم بكلمات أرادوا بها قتلي...
كانت بعنادي عمرا جديدا...
قل لهم بأنني قد اسقط...
ولكنني ما خلقت لكي انحني
عاشقة تراب فلسطين- عضو ذهبي
- عدد المساهمات : 627
نقاط : 748
السٌّمعَة : 3
تاريخ التسجيل : 05/02/2012
طلب يا عرب طلب
باقي هالزلمة اله سبع أولاد، وها البنت. ماتت مرته، وبعد سنتين هو مات، صارت البنت تربي فيهم تصاروا زلام، وكبروا. لما كبروا، صارت تقلهم: يا أخوتي بدي افرح فيكم، كل واحد يشوفله بنت حلال يعيش هو وياها. وبعدين كل واحد شافلة وحده باكيين جايبتهم امهم ورا بعظ. وقالوا: يوم الجمعة الجاي العرس، والله اجت الجمعة، ودخلوا هالولاد وقطعت البنت حالها من كثر ما رقصت، والله وقعدوها في غرفة لحالها، وصاروا كلهم يروحوا عليها، ويلاقوا أكل وفواكه، لكن انو اللي انغاظ من هالشي نسوانهم، قالن :هذي بدها تظل ملاهية جيزانا عنا، تعالن تندبرها. والله في الليل اتجمعن وسوين حالهن زعلانات، لما روحوا جيزانهن سألوهن شو مالكن؟ وبدين يعيطن، صاروا يقولوا: شو صاير؟ قالت وحدة فيهن: بدناش أخرى نعيط والشباب طايحة طالعة على أختكم! قالوا: هذا مش معقول، والله أول يوم قعد الكبير ينظر الدار، مجاش ولا واحد، ثاني يوم قعد الزغير ما شافش حدا، وظلوا كل يوم يقعد واحد، في الأخير ما شافوش حدا فقالوا: هذي لعبة من النسوان، لكن بدهن يدبرن خطة غيرها.
اتفقن مع بعظهن، ولما أجوا المغرب، قلن: طلاقنا كوم وأختكم أتظل في هالدنيا كوم، فقالوا: شو بدنا نسوي؟ قلن: والله انتوا حرين، والله قالوا: يا لله روحوا تنروح نشم الهوا، واخذوا البنت معهم، والله وركبوها على الناقة تنهم ابعدوا، والبنت سهت عينها ونامت، وهم يخلوها نايمة وينسحبوا من محلهم ويروحوا، واخذوا دم هلخروف وقالوا: للنسوان قتلناها، وانبسطن النسوان. بنرجع للبنت، والله ظلت نايمة لوجه الصبح فقيرة من التعب، ولما قامت لاقت أيدها والحصيرة، قالت: لا حول ولا قوة إلا بالله ألعلي العظيم، والله من بعيد إلا هالدار، مشت شوي وقعدت قريبة من الدار، شفنها نسوان صاحب الدار، إلا هي مثل القمر من كثر ما هي نشطة، راحت قالت إلها وحدة فيهن: روحي انصرفي فكي عنا بقلك الشيخ، قالت: مش رايح، رجعت المرة وقالت لجوزها: مش راظية تروح، ودا العبد (الخدام) قال الخدام: بقولك سيدي تفظلي عندنا، والله راحت مع الخدام وقعدت هناك ثلاثة تيام وثلث، وبعدين سألوها من أين أنتي؟ قالت: أنا مقطوعة وخرفتهم القصة. قال الأمير: بدك تتجوزي يابنت على سنة الله ورسوله. قالت: بتجوز، والله كسالها وسيغلها وحناها وثاني يوم اتجوزها على سنة الله ورسوله.
خلفت ولد مثل القمر واتفقوا يسموه طلب. كبر طلب وصار عمره اربعطعشر سنة، غارن منه نسوان أبوه واتفقن يظيعنه، قلن لأولادهن: بدكم اتظيعوه وتقتلوه. الولد بتصعب عليه يخالف أمه،راحوا على أبوهم وقالوا: يابا خلي طلب يروح معنا على الصيد، قال الهم: طلب صغير بقدرش يروح، أخر أشي قلهم أبوهم: إذا أمه بتوافق خليه يروح.والله راحوا على أمه وقالوا إلها: خلي طلب يروح معنا على الصيد، قالت: طلب صغير وأنا مليش غيره، ظلوا يقنعوا فيها في الأخير قالت: روح بس ديروا بالكم عليه. والله راح الولد معهم، لما صاروا هناك نام الولد نوم غميك، قال واحد من الولاد: بدنا نقتله، قال الصغير: والله إذا قتلتوه لأقول لبوي، والله خافوا وروحوا، ولما صبح وجه الصبح قام الولد من النوم، وظل يمشي تنه لاقى هالمغارة مظوية بحّر فيها إلا فيها بنت بتمشط في شعرها، قلها: شو بتسوي هان؟ قالت: ييي يا خايب هلكيت بيجي الغول وبوكلك. والله باقي الغول ميكل البلد ومش ظايل غير هالبنت، وبده يتجوزها، وهي تقله اليوم وبكره وبتركن فيه، مشان اتدبر حالها وتفقس، والله وبعدين باقي الغول معلمها السحر سحرت الولد ابره في صدرها ولما أجا الغول الرعية، قعد وقال: باقي ريحة انس، قالت: لا انس منك وفي ذيالك، وقالها: بدنا نتجوز قالت: بدنا حليب من الناقة وأشرت له عليها، وباقية هذي الناقة مجنونة. وظل الغول يطارد وراها تنه زقطها لكن مات من التعب، وباقي هذا الغول ميقتلش غير سيفه، وراح الغول تنه يحلب، وأعطت السيف لطلب، وقالت: روح اقتله وان قلك ثني، قله: ما علمتنيش أمي، والله وهناك مطمل راسه راح طلب ظربة بالسيف إلا هو قاتله، واخذوا هالحوش من الغنم والبقر، وبعدين راحوا وظلوا يمشوا تغابت الشمس عليهم، قالوا: بدنا إنام، والله طلب نام وهي ظلت قاعدة، سمعت هالخيل جاية من بعيد، وقفوا وصاروا يتوشوشو، ويقولوا: خليهم للصبح، والله نام الحرمية، وهي نص الليل نبهت طلب وساقوا هالحوش وظلوا رايحين، والصبح قام الحرمية لاقوا ايديهم والحصيرة، ولحقوا طلب والبنت اللي معاه، ولما شافهم بلاحقوا فيه بدا يحارب فيهم وباقي معاه سيف الغول وهذا ماظي كثير، والله قتلهم كلهم تظل منهم واحد قال: دخيلك خليني معاك، أنا خدامك، والله شفق عليه ودشره، لكن البنت باقية فصحة قالت: اقتله والا بغدرك، والله ما ردش عليها وظلوا ماشيين تصاروا بعيدين عن البير ميتين متر ونصبوا بيت هالشعر، راح طلب والخدام تنهم يسقوا الحوش، قال طلب للحرامي طيح أنت قله: أنا ثقيل وبتقدرش ترفعني، والله طلب راح وظل يملي تنه سقى كل الحوش، وهلقيت بده يطلع ظل يرفع فيه في نص البير وقطع الحبل فيه، وقله: مثل ما أريت خرف. وذبح هالسخل، ورمى الجلد على باب هالبير، وراح قلها اطبخيه سألته عن طلب، قلها: بدريش وين راح، والله طبخت هالسخل تاتعشوا ونام الزلمة، أما هي مانامتش، ظلت تمشي تنها وصلت البير، نادت عليه طلب، قال: نعم أخذت نص الحبل وصارت تقطم من الجلد وتربط وظلت ترفع تنها رفعته وطلع، راحوا على الخيمة إلا هو نايم، خشت طالت السيف وقالت: اقتله، والله اخذ السيف وعبر دكه بالسيف، قال: دخيلك، قله: أمنتك أول مرة، وظربه بالسيف وقتله.
ورحلوا ظلوا يمشوا تنهم قربوا على بلدهم ونصبوا خيمة هناك، وصار يرعى الغنم ويرجعوا على بيت الشعر، والله يوم من الأيام قال للبنت: روحي ودي للمرة هذيك طبيخ ولحم، وتقعد البنت عند المرة وانبسطت للبنت وصارت تسمعها تحكي، وبعدين ذبح هالذبيحتين وعزم كل الحمولة وأخوته شيوخ البلد، واتعشوا وبعد ما اتعشوا الناس وروحوا بدهم أبوه وأخوته يروحوا، قال: خليكم انتو بعدين بتروحوا مشان نسهر مع بعظنا، والله قعدوا وقالوا انو اللي بده يخرف المحلي وألا الظيف، قالوا: الخراف على المحلي، والله وخرف طلب القصة من يوم جابته أمه لهذا اليوم، عرفه أبوه وصار يبوس فيه ويصيح (طلب يا عرب طلب)، والله أخوته صاروا يعيطوا وقالوا: شوما بدك يا اخونا سوي فينا، والله، قال: وين أمي؟ جابوا أمه وهي عجزانة، والله مسح على عينها وكامت فتحت، وسوا حفلة ليش يرجع طلب، وطلق شيخ العرب نسوانه وظل طلب وأمه، هلقيت بده يتجوز طلب على البنت، والله كسولها وسيغولها وبعد جمعة يكملوا العرس. والله اتجوز طلب وقامت هالافراح والليالي الملاح وأكلنا من اقراهم وادينا ودشرناهم.
هديل الحمام- الأدارة العامة
- عدد المساهمات : 3698
نقاط : 5773
السٌّمعَة : 183
تاريخ التسجيل : 19/02/2011
قصة
قرأتها فاأعجبتنى
ذكاء شاهد فى محكمه
انقل اليكم تلك القصه
الرائعه..اقرأ معى
...
حدثت تلك القصه في مرسيليا في عهد كانت تسيطر
عليها فيه عدة عصابات استطاعت أن تمتلك كل شي ..... حتى الشرطة والقضاء .....و حتى
القانون
في ذلك العصر - في ثلاثينيات القرن العشرين- قام أحد زعـماء هذه
العصابات
بقـتـل أحد خصومه .. فألقي القبض عليه
وعندما جاء شاهد الإدانة
الوحيد... ليقف أمام القاضي الذي حصل في المساء فقط
على رشوة ضخمة لتبرئة
زعيم العصابة ...
سأل القاضي الشاهد في صرامة :
ماذا حدث بالضبط
؟
أجابه الشاهد في هدوء واثق :
كنت اجلس في مخزن المتجر في الساعة
الثانية بعد منتصف الليل والسيد (فيران)
صاحب المتجر في الخارج .. ثم سمعت طلقا
ناريا وعندما هرعـت من المخزن إلى
المتجر وجدت السيد (فيران) جثة هامدة والدماء
تنزف من ثقب بين عينيه الجامدتين
الجاحظتين والسيد ( ديبوا)يقف أمامه ومسدسه في
قبضته والدخان يتصاعد من فوهته
ولم يكن هناك سواه
سأله القاضي في صرامة
مخيفة :
هل رأيته وهو يطلق النار على رئيسك؟؟
أجابه الشاهد في بساطه :
كلا
ولكن مظهره يؤكد انه هو الفاعل فلم يكد يراني حتى رمقني بنظره قاسيه ودس
المسدس
في جيبه وغادر المكان في هدوء وهو يتصور أنى لن أجرؤ على إدانته
والشهادة ضده
.
عاد القاضي يسأله في صرامة :
هل رأيته يطلق النار ؟؟؟؟
أجابه
الشاهد في حيره :
بل سمعت صوت الطلق الناري ،
و ...
قاطعه القاضي
المرتشي في حزم :
هذا لا يعد دليلا كافيا .
ثم ضرب مائدته بمطرقته
الخشبية مستطردا في صرامة :
فلينصرف الشاهد
احتقن وجه الشاهد في غضب ونهض من
مقعـد الشهادة وأدار ظهره للقاضي وهتف بصوت
مرتفع :
يالك من قاضي غـبي وأحمق
وتشبه الخـنازيـر في عـقـلـك ومظهرك
صااااااح
القاضي في مزيج من
الغضب والذهول والاستنكار :
كيف تجرؤ على إهانة هيئه المحكمة أيها الرجل ؟؟
!!!!
انني أحكم عليك بـ ...
استدار إليه الشاهد وقاطعة بغتة :
هل
رأيتني أشتمك يا سيدي ؟
صاح القاضي في غضب :
لقد سمعتك وسمعك
الجميع و.....
قاطعه الشاهد مبتسما في خبث :
هذا ليس دليلا كافيا
يا سيدي
احـتـقـن وجه القاضي وضجت القاعة بالضحك و أدرك الجميع مغـزى
المفارقة و وجد
القاضي نفسه في مأزق يهدد سمعـته ومستـقـبله فلم يجد سوى أن
يستسلم لرغـبة
الرأي العام
ويحكم على زعـيم العـصابة
بالإعـدام
وكان أول حكم إعـدام عـلى أحـد زعـماء مافيا
مرسيليا
****************************************
وبعد...يبقى رأيكم؟؟؟؟مشاهدة
المزيد
» عدرا يا فلسطين????????
» كورونا - الشاعر : عطا سليمان رموني
» رحل ولن يعود
» كوفيتي عنواني
» كل يوم نصيحه ومعلومه
» اللهم ارفع مقتك وغضبك عنا - الشاعر : عطا سليمان رموني
» هنيال من عطا له أخ - الشاعر : عطا سليمان رموني
» الأخذ بالأسباب - الشاعر : عطا سليمان رموني
» بعد غياب طويل عدت لكم من جديد هديل الحمام
» رعاية ذوي الاعاقة - الشاعر : عطا سليمان رموني
» صفقة القرن اللعينة - الشاعر : عطا سليمان رموني
» شافي انت الشافي - الشاعر : عطا سليمان رموني
» اصحب للجماعة - الشاعر عطا سليمان رموني
» يا ارضا عشقنا تربها الغالي