حروف محمد علي ياسين - الى الأرض المسلوبه.وصلت رسالتكم.

انا بحبك ، ااه بحبك
وحبي الك قدرك
كل ليلة بسهر وبفكّر
إيمتا ييجي اليوم وأشوفك
بحبك ، وبموت ع هواكي
وترابك
ع شمسك وقمرك
شتاكِ وصيفك
حتى شوفي اسمك
هيو محفور ع كعب الكلاشن
حتى شوفي صورتك
هيني حاملها معي
عشان اضل دايماً معك
بحبّك بس سامحيني
بعرف أنا مقصّر بحقك
بعرف إلي زمان مبعد
ومش شايفك
بس صدّقيني كل ما آجي
بطردوني عن بوابك
ما بخلّوني حتى
ولو من بعيد أشوفك
قال بحكولي وين تصريحك
بس لو يفتحوا تاريخي
وتاريخك
كان بعرفوا انو انتي مني
وأنا منّك
بس ع الفاضي
ما بدهم ايّاني التقي معك
يمكن خايفين تشكيلي منهم
مش عارفين إنّي بعرف وجعك
وسامع صوت صراخك
شايف جروحك
شايف دمّك
مفكّرين إنهم لما يمنعوني
ما بعرف شو بصرلك
بس ما تخافي
قريباً ان شاء الله
رح تشوفيني بحضنك
بصلّي بمسجدك
وبكنيستك
قريبا رح أرفع علمنا
العلم الفلسطيني
على كل شبر من ارضك
اللي انجبلت بدم الشهدا
اللي ضحّو بأرواحهم عشانك
انتي يا امي واختي وحبيبتي
مش ناسيكي ، بالعكس جاييلك
محمد علي ياسين
فلسطين - جبل النار