السلام عليكم ورحمة الله وبركاته مرحبا بجميع أصدقائنا أعضاء قسم ( الحب والرومانسيه ) حبيت أطرح بعد فترة الغياب اللى غبتها وبعدى عن كتابة الموضوعات انى ارجع ونتناقش فى موضوع انا شايف انه مهم جدا هنقدر نحط أسباب ونلاقى أجابات لعلامات أستفهام كتيره وكلنا نقدر نسأل بخصوص الموضوع وكلنا بااستطاعتنا نجاوب عليها موضوعنا هو : ( عندما يكون الحب دواء وعندما يكون الحب داء ) البعض ممنا بيبقى محتاج انه يلاقى حد يحبه او يحس بيه ويقدر يبقى ليه الصورة والمثال والقدوة والدافع ليه فى الحياة حد تقدر تعيش ليه وتكمل معاه حياتك وتحس معاه بالامان والحنان اللى ممكن متكونش عشته او اللى انت محتاج تفعله ويبقى أكتر وأكتر احيانا بنبقى محتاجين حد يسمعنا ويحس بمشاعرنا سواء كانت حزينه او فرحانه وأحيانا برضه بتلاقى نفسك بتتشد وتروح لحد متعرفوش لمجرد بس ان قلبك محتاج يبقى مع ده لشعورك بالسعاده وبالنشوة وانت بتبقى قريب منه بتبقى محتاج تعرف حاجات عن شخص غامض بالنسبة ليك بتلاقى جواك فضول انك تعرف مين ده محتاج دايما انك تقرب منه وتحس بيه وتشاركه حياته وتاخد بايده وساعات الظروف بتخلينا نقرب لحد مكناش بنحبه وفجاءة كل حاجه جوانا بتتحول للشخص ده وأحيانا بنلقى نفسنا تايهين ضايعين ملناش هدف ومنبقاش عارفين الصح فين بتلاقى فجاءة حد مد ليك ايديه وبيقولك انا معاك ساعتها بتتحول حياتك وبتتغير وبتبقى حد تانى بتبقى الحد اللى كان لازم يبقى كده من زمان ده كل كلامى او اللى انت ممكن تقدر تقوله وتعبر عنه لما تقول عن بعض أسباب الحب لأن أسباب الحب مالهاش حصر لأن كل واحد حياته بتختلف من حيث كل شىء وكل واحد ليه أسبابه المهم عشان منطولش كل اللى عايز اقوله ان ده فعلا بيبقى حب وحب قوى لما بتلاقى دايما قلبك اتقابل مع اللى بتحبه على شىء كنت مفتقده بيعوضك عن حاجات كتير لما بتحب بتحس انك كنت فى بحر ولقيت حاجه تتعلق بيها تنقذك من الغرق لما بتحب بتحس انك كنت ماشى فى طريق كله ضلمه وحسيت انك طلعت للنور بقى فى دافع وفى أمل وفى حقيقه وفى شمس وفى قمر فى مشاعر فى أحساس فى حياة فى حب من قلبك لكل الناس فى عندك رغبة حقيقه انك تبقى بجد حاجه وان العلاقة دى تستمر عشان تثبت كيانها ووجودها فى المجمتمع والكل يسعد بهذه العلاقة كل ده الحب فعلا بيعمله وأصحاب الحب ده فعلا مبيتعوضوش ويوجد العكس عندما تقابل شخص وتتعلق بيه يكون ذلك الشخص هو سر تعبك وأجهادك وسر ارهاقك وسبب عذابك ممكن تكون حبيته من قلبك وهو محبكش او مقدرش يحسك وممكن يكون حبك بس مقدرتوش تفهموا بعض ممكن يكون حصل كل اللى اتكلمنا عنه فى الأول وفجاءة حسيت ان اللى بيحبك بيتغير وبيهرب من حياتك لأسباب انت متعرفهاش المهم بعد البعد عن اللى بتحبه بنحس فعلا اننا خسرنا كل حاجه وكل شىء كان ملكنا وبين أيدينا بنحس ان الدنيا انتهت وان اللى كان هو سر الحياة بقى هو سر العذاب والقسى ده اللى اقصده فى الحب لما أحيانا بنلاقيه دواء لقلوبنا ومشاعرنا وأحيانا بيكون داء يصيب قلوبنا ومشاعرنا الفرق بين الداء والدواء كبير والموضوع محتاج كلام كتير محتاج منكم انتم تتكلموا أكتر ونوضح ونسأل ونجاوب بعضنا أزاى الحب بيبقى دواء فعلا وأزاى بيتحول لداء وياترى ايه العلاج المناسب بعد كل الكلام اللى قولناه فى مقدمة الموضوع وياترى فعلا لو بقى الحب داء ازاى ؟ نخلق منه من جديد دواء يكون صالح للأستخدام ؟ الموضوع مهم جدا جدا ! ومحتاجين اننا نشارك بعض ونتكلم بحرية وبصدق تحياتى |
المواضيع الأخيرة
المواضيع الأكثر نشاطاً
المواضيع الأكثر شعبية
أفضل 10 أعضاء في هذا الأسبوع
| لا يوجد مستخدم |
أفضل 10 أعضاء في هذا الشهر
| لا يوجد مستخدم |
أفضل 10 أعضاء في هذا المنتدى
| اسطورة المنتدى - 4926 |
| |||
| هديل الحمام - 3698 |
| |||
| سنابل القدس - 2271 |
| |||
| الشاعرة جزيرة الورد - 1356 |
| |||
| المساعد الفني - 1147 |
| |||
| سمير الاحمد - 1135 |
| |||
| زهرة المدائن - 1048 |
| |||
| الطائر المهاجر - 974 |
| |||
| فلسطيني وافتخر - 853 |
| |||
| فلسطين عمري - 851 |
|
أفضل 10 فاتحي مواضيع
المتواجدون الآن ؟
ككل هناك 8 عُضو متصل حالياً :: 0 عضو مُسجل, 0 عُضو مُختفي و 8 زائر
لا أحد
أكبر عدد للأعضاء المتواجدين في هذا المنتدى في نفس الوقت كان 219 بتاريخ الإثنين أكتوبر 14, 2024 12:29 pm
بحـث
احصائيات
أعضاؤنا قدموا 15499 مساهمة في هذا المنتدى في 4685 موضوع
هذا المنتدى يتوفر على 1206 عُضو.
آخر عُضو مُسجل هو driss78 فمرحباً به.
Like/Tweet/+1
2 مشترك
عندما يكون الحب دواء وعندما يكون الحب داء
الطائر المهاجر- عضو متقدم للقدس
- عدد المساهمات : 974
نقاط : 1701
السٌّمعَة : 0
تاريخ التسجيل : 24/11/2010
- مساهمة رقم 1
عندما يكون الحب دواء وعندما يكون الحب داء
من طرف الطائر المهاجر الخميس مايو 12, 2011 10:22 am
سنابل القدس- الأدارة العامة
- عدد المساهمات : 2271
نقاط : 5174
السٌّمعَة : 18
تاريخ التسجيل : 20/06/2010
- مساهمة رقم 2
رد: عندما يكون الحب دواء وعندما يكون الحب داء
من طرف سنابل القدس الخميس مايو 12, 2011 10:29 am
يسلموووووو
طائر
IMG]
طائر
IMG]
» عدرا يا فلسطين????????
» كورونا - الشاعر : عطا سليمان رموني
» رحل ولن يعود
» كوفيتي عنواني
» كل يوم نصيحه ومعلومه
» اللهم ارفع مقتك وغضبك عنا - الشاعر : عطا سليمان رموني
» هنيال من عطا له أخ - الشاعر : عطا سليمان رموني
» الأخذ بالأسباب - الشاعر : عطا سليمان رموني
» بعد غياب طويل عدت لكم من جديد هديل الحمام
» رعاية ذوي الاعاقة - الشاعر : عطا سليمان رموني
» صفقة القرن اللعينة - الشاعر : عطا سليمان رموني
» شافي انت الشافي - الشاعر : عطا سليمان رموني
» اصحب للجماعة - الشاعر عطا سليمان رموني
» يا ارضا عشقنا تربها الغالي