شبكة القدس العربية Palestinian Jerusalem

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
شبكة القدس العربية Palestinian Jerusalem

لاقتراحاتكم تجدونا على الفيس بوك facebook ( مملكة بائع الورد للشعر والخواطر ) https://www.facebook.com/roseking2013

المواضيع الأخيرة

» يا وجع القلب
خربشات انثى ثائرة  نبض قلم هديل الحمام Icon_minitimeالإثنين سبتمبر 20, 2021 3:48 pm من طرف هديل الحمام

» عدرا يا فلسطين????????
خربشات انثى ثائرة  نبض قلم هديل الحمام Icon_minitimeالإثنين يوليو 26, 2021 9:28 pm من طرف هديل الحمام

» كورونا - الشاعر : عطا سليمان رموني
خربشات انثى ثائرة  نبض قلم هديل الحمام Icon_minitimeالأربعاء يونيو 09, 2021 9:08 pm من طرف اسطورة المنتدى

» رحل ولن يعود
خربشات انثى ثائرة  نبض قلم هديل الحمام Icon_minitimeالسبت فبراير 20, 2021 7:05 pm من طرف هديل الحمام

» كوفيتي عنواني
خربشات انثى ثائرة  نبض قلم هديل الحمام Icon_minitimeالسبت فبراير 20, 2021 7:00 pm من طرف هديل الحمام

»  كل يوم نصيحه ومعلومه
خربشات انثى ثائرة  نبض قلم هديل الحمام Icon_minitimeالسبت فبراير 20, 2021 6:49 pm من طرف هديل الحمام

» اللهم ارفع مقتك وغضبك عنا - الشاعر : عطا سليمان رموني
خربشات انثى ثائرة  نبض قلم هديل الحمام Icon_minitimeالثلاثاء فبراير 02, 2021 6:35 pm من طرف اسطورة المنتدى

» هنيال من عطا له أخ - الشاعر : عطا سليمان رموني
خربشات انثى ثائرة  نبض قلم هديل الحمام Icon_minitimeالسبت يونيو 20, 2020 3:14 pm من طرف اسطورة المنتدى

» الأخذ بالأسباب - الشاعر : عطا سليمان رموني
خربشات انثى ثائرة  نبض قلم هديل الحمام Icon_minitimeالأحد مارس 15, 2020 10:50 am من طرف عطا سليمان رموني

» بعد غياب طويل عدت لكم من جديد هديل الحمام
خربشات انثى ثائرة  نبض قلم هديل الحمام Icon_minitimeالثلاثاء مارس 03, 2020 6:04 pm من طرف عازفة المشاعر

» رعاية ذوي الاعاقة - الشاعر : عطا سليمان رموني
خربشات انثى ثائرة  نبض قلم هديل الحمام Icon_minitimeالثلاثاء فبراير 18, 2020 11:44 am من طرف الشاعر عطا سليمان رموني

» صفقة القرن اللعينة - الشاعر : عطا سليمان رموني
خربشات انثى ثائرة  نبض قلم هديل الحمام Icon_minitimeالجمعة يناير 31, 2020 9:11 pm من طرف الشاعر عطا سليمان رموني

» شافي انت الشافي - الشاعر : عطا سليمان رموني
خربشات انثى ثائرة  نبض قلم هديل الحمام Icon_minitimeالإثنين ديسمبر 30, 2019 6:20 am من طرف الشاعر عطا سليمان رموني

» اصحب للجماعة - الشاعر عطا سليمان رموني
خربشات انثى ثائرة  نبض قلم هديل الحمام Icon_minitimeالأحد ديسمبر 15, 2019 7:17 am من طرف الشاعر عطا سليمان رموني

» يا ارضا عشقنا تربها الغالي
خربشات انثى ثائرة  نبض قلم هديل الحمام Icon_minitimeالخميس أكتوبر 10, 2019 8:25 am من طرف driss78

تصويت

أفضل 10 أعضاء في هذا الأسبوع

لا يوجد مستخدم

أفضل 10 أعضاء في هذا الشهر

لا يوجد مستخدم

المتواجدون الآن ؟

ككل هناك 6 عُضو متصل حالياً :: 0 عضو مُسجل, 0 عُضو مُختفي و 6 زائر

لا أحد


أكبر عدد للأعضاء المتواجدين في هذا المنتدى في نفس الوقت كان 67 بتاريخ الأربعاء يناير 10, 2024 9:38 am

احصائيات

أعضاؤنا قدموا 15499 مساهمة في هذا المنتدى في 4685 موضوع

هذا المنتدى يتوفر على 1206 عُضو.

آخر عُضو مُسجل هو driss78 فمرحباً به.

Like/Tweet/+1


    خربشات انثى ثائرة نبض قلم هديل الحمام

    هديل الحمام
    هديل الحمام
    الأدارة العامة
    الأدارة العامة


    عدد المساهمات : 3698
    نقاط : 5773
    السٌّمعَة : 183
    تاريخ التسجيل : 19/02/2011

    خربشات انثى ثائرة  نبض قلم هديل الحمام Empty خربشات انثى ثائرة نبض قلم هديل الحمام

    مُساهمة من طرف هديل الحمام الثلاثاء أكتوبر 07, 2014 7:56 am

    فيكو تقنعوني بكل إشي تقريبًا .. إزا بتحاولوا, وبتجتهدوا .. أنا ممكن أقتنع...

        ممكن أقتنع إنّه "المدير العام لخدمات الصحّة" بتعب أكتر من عامل العمار اللي عم بشتغل بدرجة حرارة 36 درجة مئوية, وعشان هيك بستحقّ يقبض أكتر ... بكتير .. بكتير ... بكتيـــــــــــــــــــــــــــــــــــــــــــ....ر
        ممكن أقتنع إنّه اللي صاروا مدمنين على الكحول والمخدّرات, هنِّ مجرّد ناس منحرفين .. ظروف حياتهم منيحة .. ولا أحلى من هيك ... زود ظروف اجتماعيّة .. أو زود حب وحنان ... وهنّ, بكامل إرادتهم, ووعيهم, أختاروا .. يدمنوا .. ويلعنوا دين حياتهن ...
        ممكن أقتنع إنّه بحقّللي أتعلّم .. وأشتري سيّارة .. وآكل كل يوم بمطعم ... وأسافر بالسنة مرتين .. بس جورج مَ إلهش حقّ يشتري حليب  لأولاده يكفّيهن كل الشهر ..
        ممكن أقتنع إنّه ألله إيدمي .. وإنّه موزّع الخيرات صحّ .. وإنّه الأطفال بأفريقيا بموتوا لأنهم من وعمرهم يوم بردّوا على -----, وملحدين .. وجزاءهم العذاب ...
        ممكن أقتنع إنّه المسيحيّة أحسَن من الإسلام .. وإنه اليهود أحسَن من المسيحيّة ... وإنّه الإسلام دينهن أصحّ .. وإنّه المسيح خالف كل قوانين الطبيعة وعمل من السمكة 50 بدون م يزاوجهن ببعض ...
        ممكن أقتنع إنّه العنصريّة مشروعة .. وإنّه في ناس أحسَن من ناس, لإنهن أبيض منهن .. وأغني منهن ...
        ممكن أقتنع إنّه شعر المرأة عورة .. وإيدها عورة .. وحواجبها عورة ... وإنه الله اللي خلقها بهاد الشكل, على شكله, أمرها تغطّي اللي - هو هو - أعطاها اياه ...
        ممكن أقتنع إنّه من حقّ إسرائيل تعتقل الأطفال لأنهم ممكن يكبروا ويعرفوا إنها مُغتَصِبة, وإنّه من حقّ إسرائيل ترفش ببطون الفلسطينية .. لأنهن عرب .. والعرب عندهم شي 22 دولة, واليهود مَ عندهمّش يسرقوا غير هاي الدولة ...
        ممكن أقتنع إنّه للزلمة بحق يتجوّز 4 ... لأنّه بزهق يمارس الجنس مع نفس الأنثى كل يوم .. كل الوقت .. وبدّش يزني فَ بتجوّز ... وبتجوّز ... وبتجــــــــــــــــــوّز...
        ممكن أقتنع إنّه المرأة محلّها بالبيت .. لأنها هي اللي حملت الولد 9 اشهر .. وهي اللي جابته بعمليّة وديّة وناعمة ... وهي اللي لازم ترضعه .. وتطعميه .. وتطعمي أبوه, وأبو أبوه .. وتمسحلهم البيت .. وتلمّعلهم الزجاج .. وتوكل قتلة لمّا تقصّر! حدا قاللها تجيب اولاد؟
        ممكن أقتنع إنّه الشعوب العربيّة لازم تضلّها راضية بحكّامها الزفت ... يعني لشو يتعبوا حالهم .. ويفكروا .. ويثوروا؟ مَ هو كل شي واصلهم لعندهم .. هو خدمات اجتماعية .. هو مستوى حياة ... هو حريّات فرديّة .. مش ناقصهم شي ... لشو الثورة حتى النصر؟
        ممكن اقتنع إنّه القومجيين على انواعهم معاهم حقّ ... القوم أهمّ من الإنسان .. وقيود القبيلة من الجاهليّة أقوى من التحرّر ... ممكن أقتنع إنّه أنا واخوي على ابن عمّي, وإنّه أنا وإبن عمّي على الغريب حتى لو انهن التنين قتالين قتلا .. لأنّه الدم ما بصير ميّ ...
        ممكن أقتنع إنّه أهالي الشيخ جرّاح .. اللي ساكنين ببيوتهن .. اللي همّ عمّروها .. زمان زمان لمّا الحياة كانت أحلى .. وأبسط ... لازم ينطردوا من بيوتهن لأنّه نتانيئيل رجع جديد من بولونيا وعاجبينه هويات الشيخ جرّاح ...
        ممكن أقتنع إنّه الأسرى بالسجون الإسرائيلية إرهابيّين .. لأنهم دافعوا بالمواد الخامّ البدائيّة اللي عندهم عن حقّهم .. بالحياة! وممكن أقتنع إنّه اللي برمي الحجر إرهابي, بس اللي بهبّط كل احجار البيت بمدفع .. مش إرهابي ... عشان موسى قال قبل مليونين سنة إنّه هاي الأرض, هي أرض صهيون ...
        ممكن أقتنع إنّه شجر الزيتون مجرم .. وإنّه بشوّه البيئة .. وإنّه لازم يتحارب عشان ما يحاولش يغطّي على الطابع اليهودي لدولة إسرائيل ...
        ممكن أقتنع إنّه المهجّرين من الغابسيّة ولوبية وإم الزينات ومعلول وإقرث وبرعم وغيرهم ... بحقّلهنش يرجعوا على أراضيهن اللي بمرقوا كل يوم من حدّها, وبدفنوا أمواتهم فيها .. عشان ما يتغيّر الميزان الديمغرافي بإسرائيل, وما يزيد عدد المواطنين العرب عن عدد المواطنين اليهود .. ممكن أقتنع إنّه العرب إزا بتنقلهم من محل أ لمحل ب بزيد عددهم وبصيروا يشكّلوا تهديد ديمغرافي..
        ممكن أقتنع إنّه إم ابراهيم لازم تغطّي اولادها من البرد بالليل بأواعيها  بمخيّم صبرا, عشان بوعاز من هرتسليّا يقدر ينام كل ليلة على فرشة ب 10,000 شيكل ... مَ  هو مَ عندش إيرتس أحيرت!
        ممكن تقنعوني ... بكل اللي حكيته إسّا .. وممكن أصدّق .. وأعيش مع شو اقنعتوني ... بس هيك .. رح أعيش متلكو ... كزّابة وبتنفّس كزب....
        وممكن أعيش كزّابة متل أغلب الناس ... بس كمان وقتها مش رح تقنعوني إنّه في أعظم من هاد المقطع من القصيدة:

    "ســــقط القناع عن القناع عن القناع...

    ســـقط القنـاع...
    لا إخـوة ٌ لك يا أخي ، لا أصدقاء ُ يا صديقي ، لاقــلاع
    لا الماء عنـدك َ ، لا الدواء ولا الســماء ولا الدمــاء ُ ولا الشـــراع
    ولا الأمـــام ولا الــــوراء
    حاصـــــــــــر حصارك َ ….. لا مفـر ُّ
    سقطت ذراعك فالتقطها
    واضــرب عدوك .. لا مفر ُّ
    وسقطت قربك ، فالتقطني
    واضرب عدوك بي .. فأنت الآن حــر ُّ
    حــــر ٌّ …… وحــــر ُّ
    قتلاك أو جرحاك فيك ذخيرة ٌ
    فاضرب بها . اضرب عدوك .. لا مفرُّ
    أشـــلاؤنا أسماؤنا
    حاصـر حصـارك بالجنون ِ …. وبالجنون ِ ….. وبالجنون ْ"

    كـُن أنت َ... كـن حتى يكـــون !
    لا ……… لا أحـــد ْ
    هديل الحمام
    هديل الحمام
    الأدارة العامة
    الأدارة العامة


    عدد المساهمات : 3698
    نقاط : 5773
    السٌّمعَة : 183
    تاريخ التسجيل : 19/02/2011

    خربشات انثى ثائرة  نبض قلم هديل الحمام Empty رد: خربشات انثى ثائرة نبض قلم هديل الحمام

    مُساهمة من طرف هديل الحمام الثلاثاء أكتوبر 07, 2014 7:57 am

    طب أنا دايمًا بسأل حالي بشكل جدّي: مين أحسَن, أكون هبلة ومش عارفة إنّي هبلة, ولا أكون مش هبلة وعارفة إنّي مش هبلة؟
    يعني شو؟ يعني أنا شو فايدني إنّي بسأل كتير أسئلة؟ إنّه عندي كتير تساؤلات .. واعتراضات؟
    يعني شو جاييني غير وجع الراس من موقف الضدّ .. والانتقاد ؟
    مرّة .. مش زمان قوي برضه ... اضطريّت بشكل قسري أعمل وظيفة مع بنت بالجامعة ...
    هي متديّنة .. اكوام تديّن يعني .. اكوام اكوام .. لدرجة إنّه كفوف إيديها كمان متديّنات ... ما علينا, بتضلها بردانه بأيلول, وأنا مالي؟
    خلصت الوظيفة بطلوع الروح .. مرقت آخد الكتب منها ببلدها .. عشان أرجّعهن على مكتبة الجامعة ... بالقدس ..
    كنت يوميتها طفرانه, المصاري مش مكفّيات للتخطيطات اللي مخطّطيتهن لهداك الأسبوع (حكيت مرّة إنّه إجري دايمًا اطول من فراشي؟) ... متقاتلة مع الكلّ عشان كل إشي ... السيارة مغلّبتني وعاملتللي مشاكل .. بدّي ألحّق أخلّص السمينار لبكرا وأجيب علامة عالية فيه .. (بدّي أعمل لقب تاني كنت مخطّطة) .. متقاتلة مع صاحبي .. مش عاجبني إنّه امي مش عاجبها إنّه إمّه مش معبّرتني كفاي ....
    مرقت عندها على بلدها .. (متجوّزة, قلت من قبل؟) ... بس كانت عند أهلها ... عم بشوو لحمة ...  طلعَت اعطتني الكتب ... لحقتني امها الحجة .. قالتلي أتفضّل ... طبعًا هي لو شافتني برّيت شبّاك السيارة وألقت نظرة لتحت رقبتي ما كانت بتقللي أتفضّل ... قلتلها شكرًا .. بنت صفّي شدّت بس أنا أصرّيت .. لا بل ألحّيت إنّي ما أقبل العزومة .. عشان السيمينار طبعًا .. ومشيت
    وحياة عيوني وأصابع إيديّ اللي عم بكتب فيهن هالمدوّنة .. كانت مبســـــــوطة .. ولكو كتير كتير مبســــــــــــــــــوطة .. إنّه يعني عيونها ببرقوا ... وحامل صرلها أسبوعين (متجوّزة صرلها شهر ونصّ, عرفتوا؟) ... وعم توكل لحمة مع أهلها ... وأهلها مكيّفين عليها ... فخورين قوي برضه ... وآه وهيك ...
    طب ... طَب ... يلعن الله ... طب لأ مش ألله ... أصلاً أنا ضدّ اسبّ على إشي مش موجود وأشرعن وجوده .. طب يلعن عقلي ... شو بدّي فيه هالعقل هاد يعني؟ لشو أنا مستاءة يعني وبدافع عن حقّ شعرات المرأة يبيّنوا؟ لشو بنقهر أنا لمّا أشوّب عن المتديّنات عالسيعة 1 بعد الظهر بسوق القدس؟ لشو بنحرق وأنا أقاتل ضدّ الزواج المبكّر .. ولشو انا مع إنه الطفلة تخلّص تعليمها بعدين تبدا تنتق كل مَ تفتّح عيونها .. لَشو أنا مع حريّة التعبير عن الراي .. ومع التمرد على الأهل والعيلة والتقاليد والمجتمع .. لشو بجوع عن الصايمين وبعطَش عن العمّل, وبصيّح على ستّي لمّا تقللي أقرا صلاة قبل مَ انام عشان مَ احلمش أحلام وحشة؟ أصلاً أنا بحلم الأحلام الوحشة ليش؟ مش من كتر م راسي مشغول أفتّش؟ أصلاً على شو بفتّش؟  إنّه شو طايلني أنا من هالعقل الضدّاوي هاد؟ شو فايدني يعني؟ بشو مبسطني عقلي؟ لَشو أفكّر ما زالني لمّا مَ بفكّرش بكون مبسوطة بهَبلي ؟
    آخخخخخخخخخخخ ..... أسئلة متعبتللي راسي ... مش فاهمة انا لشو أنا "فاهمة" شو عم بدور؟
    شرفيًّا, ما أريحلي أكون مغلقة؟ آه آه مغلّقة ... هيك عالبساطة البساطة ... يا عيني عالبساطة!
    بخلّص 12, بلاقي عريس, بتعلّم إشي اللي مَ اشتغلش بعد ال 2 الظهر, بتجوّز وانا سنة تانية, بخلّف آخر سنة تالتة, بخلص اللقب, عندي ولد وجوز وبيت حدّ أهله ... بفيق الصبح, بطبخلهن, بمشّيهن, بمشّي حالي, برجع, بطعميهن, بدرّسهن, بنيّمهن, منروح عند أهلي .. ومنروح مشاوير ... والأحد عالكنيسة .. أو بصللي 5 مرات باليوم ... او أي اشي أي اشي ... متل الناس ... هيك بدون م أفكّر إنّه الللي عم بعمله سخيف .. وهبلي .. وضدّ المنطق!!!
    أنو منطق هاد اللي عم بحكي عنّه !!!
    أنو منطق؟ مَ المنطقة كلها التعن ربّها ... شو عامللي المنطق؟

    تفووووووو !
    هديل الحمام
    هديل الحمام
    الأدارة العامة
    الأدارة العامة


    عدد المساهمات : 3698
    نقاط : 5773
    السٌّمعَة : 183
    تاريخ التسجيل : 19/02/2011

    خربشات انثى ثائرة  نبض قلم هديل الحمام Empty رد: خربشات انثى ثائرة نبض قلم هديل الحمام

    مُساهمة من طرف هديل الحمام الثلاثاء أكتوبر 07, 2014 8:03 am

    فايسبوك؟ شو هاد يعني, المسنجر الجديد؟

    ثلاث سنين قبل اليوم ... وشويّ أكتر .. لكلمة فايسبوك ما كانش ولا أي وقع أو معنى عندي, وعندكو ...
    كانت الأمور تمام .. يعني مش أتمّ ما يكون, بس كنا نفيق وننام ونوكل ونحكي ونتنفّس ونقرأ ونكتب وما إلى ذلك من هالكماليّات .. بنقدر نقول: كانت (فعل ماضي مؤنّث مش ناقصه ولا إشي) مستورة, والحمد لإله!
    ثلاث سنين وأكم من يوم من وقتها ... شو صار عنّا؟ شو جدّ على حياتنا؟

        بمشي بالشارع, بعرف 90% من الناس, و 90% من الناس بعرفوني ... مش لأنّي شخصيّة مهمّة لأ, لأنه   "حاسس حالي بعرفك... آه وك عرفت ... بشوفك بالفايسبوك"!
         أكتر ناس كنت أكرههن بالمدرسة, ولا كنت أغدر أتنظّرهن, كان غباءهن يهدّدني بالموت المبكّر بنقطة على القلب, كنت أستنى يوم تخرجي عشان أرتاح من شوفتهن, رجعت كل يوم, كل ساعة, كل لحظة معطاة أقرأ تفاهاتهن, يعلّقولي على تفاهاتي, أعرف وينتا عيدهن وأقلهن: كل سنة وانتو سالمين حبايبي!
        عندي معلومات دقيقة, ومحتلنة باللحظة والتانية, عن الوضع النفسي لكل واحد فيكو .. آه آه إنتو اللي ممكن مرّة تقرأوا البلوغ .. بعرف شو حاسّين, أو شو عم تكزبوا إنكو مش حاسين, وشو عملتوا اليوم, ومين أعز اصدقاءكو بالأسبوع الأخير, السفرة الجاي لوين, بتنادوا "ماما او يمّا", وشو أكتر أكلة بتكرهوها!
        أحلام مستغانمي حلَّت محل جميلة بوحيدر, وثوّار الجزائر, وصارت رمز, وصارت مستشارة كل من لا مستشار له, والبنات اللي بتقرا واللي بتقرأش, اللي بتعرف تشكّل جملة مبتدا وخبر واللي بتعرفش, صاروا يقتبسوها, ويعيدوا حكياتها, ويتفشخروا فيها! وأحبّوها تمامًا كما لم تحبّ امرأة, وما نسيوها كما ينسى الرجال! بانتظار الموضة الجاي (حاسّة إنها رح تكون غادة السمان)
        فهمنا, بشكل قاطع إنه الكلّ ملوّنين... وبطّلوا يتحيّروا بين الألوان .. (إكبس, ولمّا بتسمَع هالغنيّة,ما تفكّر فيّي, فكّر بنفسَك وين إنت من الموضوع: https://www.youtube.com/watch?v=-RxaR3SHAv8&feature=related )
        سمعت نقد فنّي دقيق وموضوعي (بدون شكّ) عن فلم السنة: أفاتار .. فوجئت أعرف إنّه كل اصدقائي الفايسبوكيين ومن ضنمهن أنا, معانا شهادات بالنقد السينمائي!
        طبعًا, كلنا منعرف مين كلنا منشجّع بالمونديال, بدوري الأبطال, بالدوري الاسباني, وعلى هالحالة قريبًا رح نبدا نتنافس على وظائف معلقين رياضيين في التلفزيونات!
        أنا بعرف عنكو ... معظمكو, شو وضعكو! آه قصدي وضعكو الإجتماعي ... يعني المصاحبة باختصار .. يعني شو الفرص معاكو .. طبعًا للعزابية منكو بغدر أشوف مين من العزابيين من الجنس الآخر (أو لأ) ممكن يلائمكو حسب العمر, الموسيقى المفضّلة, الأفلام المفضّلة, الإقتباسات المنسوخة من غوغل .. اوبس قصدي المفضّلة, ميولكو ال... سياسية طبعًا, وبدناش ننسى  دينكو !!! إنّه تخيّلو متلا بعرفش شو دينكو؟!؟ كيف كنت ممكن اعرف مع مين ألبّقكو؟ إنّه .. تخايلوا متلا لا سمح الله رحت ملبقة مسلم مع مسيحية .. او مسيحي مع درزيّة! عما يعميكو ... انتبهوا للدين .. رجاءًا تتقيّدوا بملء هاي الخانة في صفحات الفايسبوك .. أرجوكم! (https://www.youtube.com/watch?v=dZDjHg9HuM8)
        واحد ينكر تَ أشوف إنّه أنجليزياته  تحسّنوا ... مين مين قبل سنتين كان يعرف شو يعني: Notification! بلاش معناها, مين كان يعرف يقولها؟!؟
        تزكّت كمان إشي .... "عزيزتي الكاتبة: بالنسبة لقصّة عزيزي .. نسيتيها مثلاً؟"!! قلعاط يقلعطكو على تقلة هالدم!
         تزكّرت إشي أخير: شرفيًا: حدا منكو كان بشتري كاميرا لولا الفايسبوك؟ منّي وعليّ ولا بحياتي فكّرت ادفع اكتر من مية شيكل على كاميرا ... قبل الفايسبوك!


    إعرف نفسَك .. أي نوع من المفسبكين أنت؟
    الناس بالفايسبوك بنقسموا لأنواع محدّدة ومعرّفة ... والمفسبكون يقسمون إلى عدّة مجموعات:

        المفسبك المرح: هذا النوع من المفسبكين هو نوع سهل التمييز ... فهوَ يتميز بالستاتوسات الخفيفة نظيفة, هدفها إضحاك الجماهير, وعادة الستاتسات ترفق بلينكات مضحكة .. مقاطع قصيرة عن ناس بتدبّ وبتوكل هوايا من اليوتيوب... وهيك شغل كراكوز ... هذا النوع, هو نوع لذيذ, ومحبّذ, والجينات السائدة لديه هي جينات مرحة .. بالرغم من ظهور بعض الجينات المتنحيّة احيانًا وهي جينات النكد .. والتي تظهر عادةً إمّا في حالة موت احد الاقارب بعيد الشر عنكو .. وإمّا في حال هجوم إسرائيل على اسطول الحريّة ... ومواقف مشابهة .. وهنا نستطيع التفرقة بين نوعين من المفسبكين المرحين: أولئك المبدئيين, وأولئك الذين لا يكترثوون بالحياة اللا-فايسبوكية ويفضّلون غضّ الطرف عنها ...
        المفسبك المكتئب: أو المدوكن بلهجة عرب الجوّا ... هذا النوع من المفسبك هو انسان الكتروني مكتئب في معظم لحظات حياته .. ستاساته تشير إلى حزنه الالكتروني, إلى قضيّة شاغلته (باحتمال 199% إنها قضيّة عاطفيّة) .. أفكاره سوداوية وجمله متل اللط على النياع ... بأغلب الأحيان هذا النوع من المفسبكين بكتب باللغة العربية الفصحى, او بالعبري المقطّش, ولينكاته على الأغلب لجورج وسّوف أو لآفي بيطون, الشعور الذي يراودك عند قراءة أفكاره هو رغبة شديدة بالانتحار! هنا تجدر الإشارة إلى أنه هذا النوع من المفسبكين ممكن يتحوّل فقط لنوعين آخرين لا أكثر: إمّا المفسبك الذي لغى الفايسبوك .. وإمّا المفسبك اللي ترك الفايسبوك ليتفرّغ لحياته الجديدة. طبعًا هون كمان مرة تجدر الإشارة إلى إنّه هاد النوع من المفسبكين لا يتركون الفايسبوك إلا في حالة ارتباط عاطفي, وفي حال فكّ الارتباط (العاطفي طبعًا) برجعوا إلى نوعهن الأساسي.
        المفسبك الدراماتيكي: أمّا هاد النوع من المفسبكين فَ هو النوع الأكثر إزعاجًا على الإطلاق .. هذا المفسبك يغيب لفترات عن الفايسبوك لكي يجسّ نبض اصدقاؤه, ويشعر بالنشوة عند رجوعه ورؤية حيطه "فجأة" مليء ب: اشتقتللك! إلك وحشة! الفايسبوك مش حلو بدونك!! ... عند عودة المفسبك الدراماتيكي إلى الفايسبوك فألله يستر صفحة البيت تبعتك منّه .. ستاتساته كثيفة جدًّا وسريعة التغيّر, مهمّ جدًّا لإله يعلمنا بالتغييرات التي طرات على حياته بالفترة اللي كان عامل حاله .. آسفة قصدي كان غايب ومشغول عن الفايسبوك ... نشاط هذا المفسبك ملفت للنظر, حتلناته تكون عادة إمّا سعيدة جدًّا وإما حزينة جدًّا ... وهو عادة يعود مع ألبوم جديد مثير للاهتمام ... المفسبك الدراماتيكي هو مفسبك إسمه يظهر على كل البوستات والستاتسات واللينكات والكويزات اللي عاملينها أصدقاؤه المشتركين معك (إحمد ربّك إنه مش كلهن) ... يشعر برغبة شديدة لإظهار مواقفه المهمّة للبشرية على كل حيطان الفايسبوك ... عزيزي المفسبك الدراماتيكي .. مفكّرني هوليوود مثلاً؟
        المفسبك المراهق: مفسبكين اضطريت إنّك تقبلهن عندك لإنهن بقربوك كتير او اخوة اصحاب اعزاء عليك ... هؤلاء المفسبكين يقلعطون حيطك وسما ربّك باللينكات والجمل المقتبسة عن المناضلة أحلام مستغانمي وبالصور السخيفة وهمّ حاملين بالكاميرا وبصوّروا عينهن أو شفايفهن ... عزيزتي المفسبكة المراهقة, حدا قللك إنك هيفا وهبة مثلا؟
        المفسبك الطفل: رغم شحّ المفسبكين من هاد النوع في قائمة أصدقائي الفايسبوكيين.. بس هذا المفسبك يترصّد المراتب الأولى في قائمة الأصدقاء المزعجين ... طبعًا المفسبك الطفل بكون كازب بتاريخ ميلاده, بكون جيل اولادك وفجأة بتلاقي إنه بكرا عيده ال 24! قائمة أصدقاؤه تقتصر على اولاد عيلته الأطفال وجيرانه (متلي)! عن الاملاء عنده حدّث ولا حرج .. ستاتساته لا تطرح ولا أي فكرة مفيدة, أو حتى جمل كاملة .... وفعالياته الفايسبوكية تقتصر على الفارم-فيل! عزيزي المفسبك الطفل: اقرالك قصّة ليلى الحمرا, مثلاً؟
        المفسبك المرتبط حديثًا: في أغلب الأحيان هاد النوع من المفسبكين هو من الإناث .. المفسبك من هذا النوع هو مفسبك منجلق على إنّه صاحب/ خطب / تجوّز .. ومش مصدّق نفسه, طاير من فرحته, مش فاضي للفايسبوك وبنفس الوقت ما بغدر يلغيه لأنّه مهم جدًّا بين الفترة والأخرى يحتلنه بصوَر زوجيّة سعيدة ... أهم صفات حائط المفسبك المرتبط بأنّها حيطان مهملة مليئة باجوبة الكويزات التي يحلّها المفسبك المراهق والمفسبك الطفل... (إقرأ أعلاه) !
        المفسبك المؤمن (أو المفسبك المفتخر): المفسبك المؤمن هو إنسان محشّش ع الدين .. هذا النوع من المفسبكين هو النوع الذي يحمد ربّه وأنبياؤه ليلاً ونهارًا ... على مرضه على فقره على إفلاسه على هبله على خبله ... المهم بشكر ألله ... من الجدير بالذكر أن المفسبك المؤمن هو مفسبك مفتخر على طول الخطّ ... مسيحي وأفتخر .. بحبّ الله وافتخر ... صائم وأفتخر ... بنضمّ لمجموعات عنصريّة فيها خطابات لإبادة الأجناس التانية من البشر: إسلام وبس والباقي كلّه خس!! بليز بس المسيحية ينضمّو ... بدنا نشوف اكم مسلم ممكن نجمع خلال سيعتين وتلات ترباع!
        المفسبك المتزوّج (الوالد أو الوالدة): اهم مميزات هذا المفسبك بأن كل صوره الفايسبوكية هي صور لابنه او لابنته .. المفسبك المتزوّج هو مفسبك غير فعّال, لا يكترث بالمدينة الفايسبوكية, كل ما يهمه في الموضوع هو اضافة صوَر لشلعة أطفاله, بدون الاكتراث باللايكات والتعليقات التي تتبع الصور .. إحدى الظواهر المثيرة لدى اولئك الفايسبوكيين, هو أنّه مع تقدّم السن الفايسبوكي, يكفّ اصدقاؤه عن التعليق على البوماته الجديدة, وذلك لاعتيادهم على عدم تعبيره للايكاتهم وانجلاقاتهم! عزيزي المفسبك المتزوّج: مفكّرني ألبوم لاولادك مثلاً؟
        المفسبك الذي يرى ولا يُرى: نوع طفيلي جدًّا من المفسبكين المعقدين .. أهم مميزاته أن لا صورة بروفايل له .. بأغلب الأحيان أسمه مختصر ومموّه (مثلاً: قمر برشلونه, أو دودو سا!!!!!!), لا يكتب ستاتسات, لا يضع لينكات, لا يليك شيئًا ولا يعلّق على شيء... لا يبلّغ عالم الفايسبوك بأي معلومة عن حياته .. يضيف جميع الناس .. هدفه تجميع أكبر عدد من الأصدقاء وذلك ليكون ملمًّا بكل دواوين القرية الفايسبوكية دون الإدلاء بأي تصريح عن حياته .. المفسبِك من هذا النوع هو مفسبك يعاني من عقد نفسيّة واجتماعيّة .. ومنقلله: عزيزي المفسبك الذي يرى ولا يرى: أبعثك عند طبيب نفسي على حسابي مثلاً؟
        المفسبك الذي زهق الفايسبوك ومش عارف يلغيه: مفسبك ضليع بالفايسبوك ... مرّ بأغلب المراحل السابقة, وفي الفترة الآنية يشعر بأن مدينة الفايسبوك أصبحت مملّة .. من جهة أخرى هذا المفسبك لا يستطيع التخلي عن انتمائه العرقي لمدينته الفاضلة ولا زال يستفشل من لا فايسبوكَ له ويطالبهم بعمل أكاونت! تجدر الإشارة إلى أنه لدى هذا المفسبك دائمًا يوجد بصيص أمل بان الفايسبوك سيعود يومًا كما كان! فلا بدّ لليل أن ينجلي ولا بدّ للفايسبوك أن ينتصر!



    الفايسبوك: مدينة فاضلة أم هوليوود؟
    وفي تلخيص جدّي ومقتضب عن المدينة الفاضلة التي صوّرتها حياة الفايسبوك لنا .. جميعًا ..
    هاي الحياة اللي شايفينها هون كلّها كزب .. الناس اللي عم بظهرولكو حياتهن على انها اسعد حياة ممكن حدا يحصل عليها, الحياة اللي كلها صور ضاحكة, اجتماعيات ثقيلة, سفرات جامدة, ستاتسات مرحة .. أو بالعكس .. الناس اللي مصوّرينلكو حياتهم على انها اتعس حياة ممكنة .. مكتئبين ليلاً نهارًا .. عشقهن سيطر على حياتهن ... صوَر الأزواج السعيدة .. صوَر الخطبة .. صوَر المصاحبة .. صوَر العرس .. فيديو كليبات السعادة ... هاي مش حياة حدا!
    العالم اللي رسملنا اياه الفايسبوك .. إنه في ناس كاملين .. وحياتهن رائعة .. وسعادتهن لا توصف .. وبيوتهن بتلمّع .. وملمّين بالحياة .. ثقافتهن بتنقّط ...العائلات مكتملة السعادة ... ويا ريتنا متلهن .. هاي كزبة .. كزبة المدينة الفاضلة .. اللي كلنا بدنا اياها, ومنفكر عند غيرنا في منها ..
    فكروا بحالكو .. بالصوَر اللي حاطينهن .. بكتاباتكو ... بإجتماعياتكو ..  قديش لبرا ممكن تبيّن كاملة مكمّلة! وفكروا بالمقابل: أكم من مرّة وأنتو تطلعوا على حيطان هاي وهداك وهديك قلتو يا ريتني متلهن!! كلنا هيك .. كلهن هيك ... والمدينة الفاضلة اللي لأفلاطون, ضلّت فلسفة ... ولو تحقّقت كان بتكون مملّة ومنبدا ندوّر على أحلى ..
    مَ فش مكيال للسعادة .. وفش اشي كامل .. وتضلكوش تستنوا تصيروا متل حدا .. وتعيشوش حياتكو تراقبوا الفايسبوك ومين سعيد ومين أسعَد! من راقب الفايسبوك ماتَ كيدًا!
    الفايسبوك حلو .. محل حلو  لمشاركة ألأفكار .. والصور .. والأخبار .. والاجتماعيات ...
    بس يا جماعة بالعقل ... بدون مرض .... أعزائي .. مثلاً!

    فايسبوك؟ شو هاد يعني, المسنجر الجديد؟

    ثلاث سنين قبل اليوم ... وشويّ أكتر .. لكلمة فايسبوك ما كانش ولا أي وقع أو معنى عندي, وعندكو ...
    كانت الأمور تمام .. يعني مش أتمّ ما يكون, بس كنا نفيق وننام ونوكل ونحكي ونتنفّس ونقرأ ونكتب وما إلى ذلك من هالكماليّات .. بنقدر نقول: كانت (فعل ماضي مؤنّث مش ناقصه ولا إشي) مستورة, والحمد لإله!
    ثلاث سنين وأكم من يوم من وقتها ... شو صار عنّا؟ شو جدّ على حياتنا؟

        بمشي بالشارع, بعرف 90% من الناس, و 90% من الناس بعرفوني ... مش لأنّي شخصيّة مهمّة لأ, لأنه   "حاسس حالي بعرفك... آه وك عرفت ... بشوفك بالفايسبوك"!
         أكتر ناس كنت أكرههن بالمدرسة, ولا كنت أغدر أتنظّرهن, كان غباءهن يهدّدني بالموت المبكّر بنقطة على القلب, كنت أستنى يوم تخرجي عشان أرتاح من شوفتهن, رجعت كل يوم, كل ساعة, كل لحظة معطاة أقرأ تفاهاتهن, يعلّقولي على تفاهاتي, أعرف وينتا عيدهن وأقلهن: كل سنة وانتو سالمين حبايبي!
        عندي معلومات دقيقة, ومحتلنة باللحظة والتانية, عن الوضع النفسي لكل واحد فيكو .. آه آه إنتو اللي ممكن مرّة تقرأوا البلوغ .. بعرف شو حاسّين, أو شو عم تكزبوا إنكو مش حاسين, وشو عملتوا اليوم, ومين أعز اصدقاءكو بالأسبوع الأخير, السفرة الجاي لوين, بتنادوا "ماما او يمّا", وشو أكتر أكلة بتكرهوها!
        أحلام مستغانمي حلَّت محل جميلة بوحيدر, وثوّار الجزائر, وصارت رمز, وصارت مستشارة كل من لا مستشار له, والبنات اللي بتقرا واللي بتقرأش, اللي بتعرف تشكّل جملة مبتدا وخبر واللي بتعرفش, صاروا يقتبسوها, ويعيدوا حكياتها, ويتفشخروا فيها! وأحبّوها تمامًا كما لم تحبّ امرأة, وما نسيوها كما ينسى الرجال! بانتظار الموضة الجاي (حاسّة إنها رح تكون غادة السمان)
        فهمنا, بشكل قاطع إنه الكلّ ملوّنين... وبطّلوا يتحيّروا بين الألوان .. (إكبس, ولمّا بتسمَع هالغنيّة,ما تفكّر فيّي, فكّر بنفسَك وين إنت من الموضوع: https://www.youtube.com/watch?v=-RxaR3SHAv8&feature=related )
        سمعت نقد فنّي دقيق وموضوعي (بدون شكّ) عن فلم السنة: أفاتار .. فوجئت أعرف إنّه كل اصدقائي الفايسبوكيين ومن ضنمهن أنا, معانا شهادات بالنقد السينمائي!
        طبعًا, كلنا منعرف مين كلنا منشجّع بالمونديال, بدوري الأبطال, بالدوري الاسباني, وعلى هالحالة قريبًا رح نبدا نتنافس على وظائف معلقين رياضيين في التلفزيونات!
        أنا بعرف عنكو ... معظمكو, شو وضعكو! آه قصدي وضعكو الإجتماعي ... يعني المصاحبة باختصار .. يعني شو الفرص معاكو .. طبعًا للعزابية منكو بغدر أشوف مين من العزابيين من الجنس الآخر (أو لأ) ممكن يلائمكو حسب العمر, الموسيقى المفضّلة, الأفلام المفضّلة, الإقتباسات المنسوخة من غوغل .. اوبس قصدي المفضّلة, ميولكو ال... سياسية طبعًا, وبدناش ننسى  دينكو !!! إنّه تخيّلو متلا بعرفش شو دينكو؟!؟ كيف كنت ممكن اعرف مع مين ألبّقكو؟ إنّه .. تخايلوا متلا لا سمح الله رحت ملبقة مسلم مع مسيحية .. او مسيحي مع درزيّة! عما يعميكو ... انتبهوا للدين .. رجاءًا تتقيّدوا بملء هاي الخانة في صفحات الفايسبوك .. أرجوكم! (https://www.youtube.com/watch?v=dZDjHg9HuM8)
        واحد ينكر تَ أشوف إنّه أنجليزياته  تحسّنوا ... مين مين قبل سنتين كان يعرف شو يعني: Notification! بلاش معناها, مين كان يعرف يقولها؟!؟
        تزكّت كمان إشي .... "عزيزتي الكاتبة: بالنسبة لقصّة عزيزي .. نسيتيها مثلاً؟"!! قلعاط يقلعطكو على تقلة هالدم!
         تزكّرت إشي أخير: شرفيًا: حدا منكو كان بشتري كاميرا لولا الفايسبوك؟ منّي وعليّ ولا بحياتي فكّرت ادفع اكتر من مية شيكل على كاميرا ... قبل الفايسبوك!


    إعرف نفسَك .. أي نوع من المفسبكين أنت؟
    الناس بالفايسبوك بنقسموا لأنواع محدّدة ومعرّفة ... والمفسبكون يقسمون إلى عدّة مجموعات:

        المفسبك المرح: هذا النوع من المفسبكين هو نوع سهل التمييز ... فهوَ يتميز بالستاتوسات الخفيفة نظيفة, هدفها إضحاك الجماهير, وعادة الستاتسات ترفق بلينكات مضحكة .. مقاطع قصيرة عن ناس بتدبّ وبتوكل هوايا من اليوتيوب... وهيك شغل كراكوز ... هذا النوع, هو نوع لذيذ, ومحبّذ, والجينات السائدة لديه هي جينات مرحة .. بالرغم من ظهور بعض الجينات المتنحيّة احيانًا وهي جينات النكد .. والتي تظهر عادةً إمّا في حالة موت احد الاقارب بعيد الشر عنكو .. وإمّا في حال هجوم إسرائيل على اسطول الحريّة ... ومواقف مشابهة .. وهنا نستطيع التفرقة بين نوعين من المفسبكين المرحين: أولئك المبدئيين, وأولئك الذين لا يكترثوون بالحياة اللا-فايسبوكية ويفضّلون غضّ الطرف عنها ...
        المفسبك المكتئب: أو المدوكن بلهجة عرب الجوّا ... هذا النوع من المفسبك هو انسان الكتروني مكتئب في معظم لحظات حياته .. ستاساته تشير إلى حزنه الالكتروني, إلى قضيّة شاغلته (باحتمال 199% إنها قضيّة عاطفيّة) .. أفكاره سوداوية وجمله متل اللط على النياع ... بأغلب الأحيان هذا النوع من المفسبكين بكتب باللغة العربية الفصحى, او بالعبري المقطّش, ولينكاته على الأغلب لجورج وسّوف أو لآفي بيطون, الشعور الذي يراودك عند قراءة أفكاره هو رغبة شديدة بالانتحار! هنا تجدر الإشارة إلى أنه هذا النوع من المفسبكين ممكن يتحوّل فقط لنوعين آخرين لا أكثر: إمّا المفسبك الذي لغى الفايسبوك .. وإمّا المفسبك اللي ترك الفايسبوك ليتفرّغ لحياته الجديدة. طبعًا هون كمان مرة تجدر الإشارة إلى إنّه هاد النوع من المفسبكين لا يتركون الفايسبوك إلا في حالة ارتباط عاطفي, وفي حال فكّ الارتباط (العاطفي طبعًا) برجعوا إلى نوعهن الأساسي.
        المفسبك الدراماتيكي: أمّا هاد النوع من المفسبكين فَ هو النوع الأكثر إزعاجًا على الإطلاق .. هذا المفسبك يغيب لفترات عن الفايسبوك لكي يجسّ نبض اصدقاؤه, ويشعر بالنشوة عند رجوعه ورؤية حيطه "فجأة" مليء ب: اشتقتللك! إلك وحشة! الفايسبوك مش حلو بدونك!! ... عند عودة المفسبك الدراماتيكي إلى الفايسبوك فألله يستر صفحة البيت تبعتك منّه .. ستاتساته كثيفة جدًّا وسريعة التغيّر, مهمّ جدًّا لإله يعلمنا بالتغييرات التي طرات على حياته بالفترة اللي كان عامل حاله .. آسفة قصدي كان غايب ومشغول عن الفايسبوك ... نشاط هذا المفسبك ملفت للنظر, حتلناته تكون عادة إمّا سعيدة جدًّا وإما حزينة جدًّا ... وهو عادة يعود مع ألبوم جديد مثير للاهتمام ... المفسبك الدراماتيكي هو مفسبك إسمه يظهر على كل البوستات والستاتسات واللينكات والكويزات اللي عاملينها أصدقاؤه المشتركين معك (إحمد ربّك إنه مش كلهن) ... يشعر برغبة شديدة لإظهار مواقفه المهمّة للبشرية على كل حيطان الفايسبوك ... عزيزي المفسبك الدراماتيكي .. مفكّرني هوليوود مثلاً؟
        المفسبك المراهق: مفسبكين اضطريت إنّك تقبلهن عندك لإنهن بقربوك كتير او اخوة اصحاب اعزاء عليك ... هؤلاء المفسبكين يقلعطون حيطك وسما ربّك باللينكات والجمل المقتبسة عن المناضلة أحلام مستغانمي وبالصور السخيفة وهمّ حاملين بالكاميرا وبصوّروا عينهن أو شفايفهن ... عزيزتي المفسبكة المراهقة, حدا قللك إنك هيفا وهبة مثلا؟
        المفسبك الطفل: رغم شحّ المفسبكين من هاد النوع في قائمة أصدقائي الفايسبوكيين.. بس هذا المفسبك يترصّد المراتب الأولى في قائمة الأصدقاء المزعجين ... طبعًا المفسبك الطفل بكون كازب بتاريخ ميلاده, بكون جيل اولادك وفجأة بتلاقي إنه بكرا عيده ال 24! قائمة أصدقاؤه تقتصر على اولاد عيلته الأطفال وجيرانه (متلي)! عن الاملاء عنده حدّث ولا حرج .. ستاتساته لا تطرح ولا أي فكرة مفيدة, أو حتى جمل كاملة .... وفعالياته الفايسبوكية تقتصر على الفارم-فيل! عزيزي المفسبك الطفل: اقرالك قصّة ليلى الحمرا, مثلاً؟
        المفسبك المرتبط حديثًا: في أغلب الأحيان هاد النوع من المفسبكين هو من الإناث .. المفسبك من هذا النوع هو مفسبك منجلق على إنّه صاحب/ خطب / تجوّز .. ومش مصدّق نفسه, طاير من فرحته, مش فاضي للفايسبوك وبنفس الوقت ما بغدر يلغيه لأنّه مهم جدًّا بين الفترة والأخرى يحتلنه بصوَر زوجيّة سعيدة ... أهم صفات حائط المفسبك المرتبط بأنّها حيطان مهملة مليئة باجوبة الكويزات التي يحلّها المفسبك المراهق والمفسبك الطفل... (إقرأ أعلاه) !
        المفسبك المؤمن (أو المفسبك المفتخر): المفسبك المؤمن هو إنسان محشّش ع الدين .. هذا النوع من المفسبكين هو النوع الذي يحمد ربّه وأنبياؤه ليلاً ونهارًا ... على مرضه على فقره على إفلاسه على هبله على خبله ... المهم بشكر ألله ... من الجدير بالذكر أن المفسبك المؤمن هو مفسبك مفتخر على طول الخطّ ... مسيحي وأفتخر .. بحبّ الله وافتخر ... صائم وأفتخر ... بنضمّ لمجموعات عنصريّة فيها خطابات لإبادة الأجناس التانية من البشر: إسلام وبس والباقي كلّه خس!! بليز بس المسيحية ينضمّو ... بدنا نشوف اكم مسلم ممكن نجمع خلال سيعتين وتلات ترباع!
        المفسبك المتزوّج (الوالد أو الوالدة): اهم مميزات هذا المفسبك بأن كل صوره الفايسبوكية هي صور لابنه او لابنته .. المفسبك المتزوّج هو مفسبك غير فعّال, لا يكترث بالمدينة الفايسبوكية, كل ما يهمه في الموضوع هو اضافة صوَر لشلعة أطفاله, بدون الاكتراث باللايكات والتعليقات التي تتبع الصور .. إحدى الظواهر المثيرة لدى اولئك الفايسبوكيين, هو أنّه مع تقدّم السن الفايسبوكي, يكفّ اصدقاؤه عن التعليق على البوماته الجديدة, وذلك لاعتيادهم على عدم تعبيره للايكاتهم وانجلاقاتهم! عزيزي المفسبك المتزوّج: مفكّرني ألبوم لاولادك مثلاً؟
        المفسبك الذي يرى ولا يُرى: نوع طفيلي جدًّا من المفسبكين المعقدين .. أهم مميزاته أن لا صورة بروفايل له .. بأغلب الأحيان أسمه مختصر ومموّه (مثلاً: قمر برشلونه, أو دودو سا!!!!!!), لا يكتب ستاتسات, لا يضع لينكات, لا يليك شيئًا ولا يعلّق على شيء... لا يبلّغ عالم الفايسبوك بأي معلومة عن حياته .. يضيف جميع الناس .. هدفه تجميع أكبر عدد من الأصدقاء وذلك ليكون ملمًّا بكل دواوين القرية الفايسبوكية دون الإدلاء بأي تصريح عن حياته .. المفسبِك من هذا النوع هو مفسبك يعاني من عقد نفسيّة واجتماعيّة .. ومنقلله: عزيزي المفسبك الذي يرى ولا يرى: أبعثك عند طبيب نفسي على حسابي مثلاً؟
        المفسبك الذي زهق الفايسبوك ومش عارف يلغيه: مفسبك ضليع بالفايسبوك ... مرّ بأغلب المراحل السابقة, وفي الفترة الآنية يشعر بأن مدينة الفايسبوك أصبحت مملّة .. من جهة أخرى هذا المفسبك لا يستطيع التخلي عن انتمائه العرقي لمدينته الفاضلة ولا زال يستفشل من لا فايسبوكَ له ويطالبهم بعمل أكاونت! تجدر الإشارة إلى أنه لدى هذا المفسبك دائمًا يوجد بصيص أمل بان الفايسبوك سيعود يومًا كما كان! فلا بدّ لليل أن ينجلي ولا بدّ للفايسبوك أن ينتصر!



    الفايسبوك: مدينة فاضلة أم هوليوود؟
    وفي تلخيص جدّي ومقتضب عن المدينة الفاضلة التي صوّرتها حياة الفايسبوك لنا .. جميعًا ..
    هاي الحياة اللي شايفينها هون كلّها كزب .. الناس اللي عم بظهرولكو حياتهن على انها اسعد حياة ممكن حدا يحصل عليها, الحياة اللي كلها صور ضاحكة, اجتماعيات ثقيلة, سفرات جامدة, ستاتسات مرحة .. أو بالعكس .. الناس اللي مصوّرينلكو حياتهم على انها اتعس حياة ممكنة .. مكتئبين ليلاً نهارًا .. عشقهن سيطر على حياتهن ... صوَر الأزواج السعيدة .. صوَر الخطبة .. صوَر المصاحبة .. صوَر العرس .. فيديو كليبات السعادة ... هاي مش حياة حدا!
    العالم اللي رسملنا اياه الفايسبوك .. إنه في ناس كاملين .. وحياتهن رائعة .. وسعادتهن لا توصف .. وبيوتهن بتلمّع .. وملمّين بالحياة .. ثقافتهن بتنقّط ...العائلات مكتملة السعادة ... ويا ريتنا متلهن .. هاي كزبة .. كزبة المدينة الفاضلة .. اللي كلنا بدنا اياها, ومنفكر عند غيرنا في منها ..
    فكروا بحالكو .. بالصوَر اللي حاطينهن .. بكتاباتكو ... بإجتماعياتكو ..  قديش لبرا ممكن تبيّن كاملة مكمّلة! وفكروا بالمقابل: أكم من مرّة وأنتو تطلعوا على حيطان هاي وهداك وهديك قلتو يا ريتني متلهن!! كلنا هيك .. كلهن هيك ... والمدينة الفاضلة اللي لأفلاطون, ضلّت فلسفة ... ولو تحقّقت كان بتكون مملّة ومنبدا ندوّر على أحلى ..
    مَ فش مكيال للسعادة .. وفش اشي كامل .. وتضلكوش تستنوا تصيروا متل حدا .. وتعيشوش حياتكو تراقبوا الفايسبوك ومين سعيد ومين أسعَد! من راقب الفايسبوك ماتَ كيدًا!
    الفايسبوك حلو .. محل حلو  لمشاركة ألأفكار .. والصور .. والأخبار .. والاجتماعيات ...
    بس يا جماعة بالعقل ... بدون مرض .... أعزائي .. مثلاً!





      الوقت/التاريخ الآن هو الخميس مارس 28, 2024 8:37 am